I am a Daughter of Captain

Шалгалтууд дуусчихсан, хичээл амарчихсан сайхан байна аа... Дүнгүүд ирээгүй байгаа ч, энэ семестрийн хувьд надаас хамаарах зүйлс дууссаан. Одоо ажлаа хийгээд л, уулзаж амжихгүй байсан хүмүүстэйгээ уулзаад л, гэр бүлээрээ цагийг хамт өнгөрүүлээд, ээж эхнэр хүнийхээ үүргийг гүйцэтгэж тэдэндээ цаг гаргаад сайхан байна. Мэдээж бодлын мухарт "CV-гээ янзалж, ажлуудад apply хийж эхлэнэ үү" гэсэн анхааруулга байнга явж байгаа ч сэтгэл санаа харьцангуй тайван аятайхан байна. Амралт эхлээд 2 дахь долоо хоног дундаа орж байна. Шалгалт дууссан өдрөө кэмпинг хийхээр яваад маргаашаас нь эхлээд гэр бүлээрээ дахин Ковид тусаад жоохон мяарцгаасан байдаг. Гэхдээ олон хоног мяараагүй тэгсгээд бүгд дажгүй болцгоосоон.  Өнөөдөр 11-р сарын сүүлийн өдөр. 13 минутын дараа энэ оны сүүлийн сар эхлэх гэж байна. Шинэ жил тун дөхсөн учир нилээд завгүй сар болох нь гарцаагүй биз ээ. Гадаа дулаараад өдөр болгон л тэнэмээр санагдаад гэгэлзүүлж, амралтаар явах аяллын бэлтгэлээ базааж, амрахын өмнө боломжооро...

Зэээ хичээл амарсааан, шалгалтанд бэлдэх цаг ирсээн. Амраал яг алаад өгье гэсэн чинь хэмнэлдээ орж өгөхгүй амралтын 2 өдрийг үрсээн. Өнөөдөр 1 дэх өдөр. Өнөөдрөөс яг алъя гэсэн чинь бас л алсангүй ээ. Өдөржин юу ч юм хийгээд цаг өнгөрчлөө. Одоо 2 хүүхдээ сургуулиас авахаар явах гэжээнэ. Чадвал орой суух гээд л... Бас хоолоо хийнэ гэж байгаа... 33 насыг зооглосоон. Төрсөн өдөр өнгөрөөд 4 хонож байна. Энэ жил бас л тэмдэглэхгүй гэснээрээ нэг их сүйдтэй тэмдэглээгүй. Гэвчиг бас 3 удаа лаа үлээж, 4 торт идэж, 5 торт авсан төрсөн өдөр байлаа. Учир юу гэвээс нэг найз маань аав ээжийн минь гэр лүү торт явуулсан байсан, баярлалааа. Энд найзууд 3 хуваагдаж ирсэн ба тус бүртээ торт ацарсаан. Харин гэрийн үүдэнд хэн нэгэн торт, цэцэг үлдээж гэнэтийн бэлэг барисан ч одоогоор хэн нь вэ гэдгийг мэдээгүй л байна. Яг төрсөн өдрөөр маань бүгд ажил хичээлтэй, би гэртээ амраад, өөрийгөө зүгээр гэж бодсон ч бага зэрэг эмо л байсийм шиг одоо бодохнээ. Нөхөр ажлаасаа ирэхдээ цэцэг өгөөд, 4үүлээ лаагаа үлээж...

Дараачийн гармоны давалгаа нтр. Юм ирээд эморонгуутаа ийшээ орж ирдэг тэ. Гэхдээ юм ирсэнтэй холбоогүй юм шиг хирнээ яг ингээд таарчихлаа. Ойрд нэг тийм эмо байгаад байна. Жижиг сажиг юманд юм бодож гомдчихгээд. Хичээлээ хийх гэхээр эрч хүч дутагдаад, хийхгүй байхаар буруутай мэдрэмж төрөөд амар тайван байж болохгүй, нэг л эмо байна аа. Өөрөө өөрийгөө тийм байгааг мэдээд байгаа хирнээ яаж сайхан болохоо мэдэхгүй байна. Хэн нэгэн эрч хүч өгөхүйц хүнтэй уулзах ч юм уу, урам зориг сэргээсэн зүйл сонсох ч юм уу, хийх ч юм уу, нэг л зүйл дутагдаад байна. Ойрд бие даалтуудаа хураалгаж байгаа ч харьцангуй ачаалал багатай, багийнхан гайгүй болохоор стресс багатай байгаа, тэгсэн мөртлөө тийм байнгуут нь би юм хийхгүй байгаам шиг мэдрэмж төрөөд бас тэрэндээ тухгүй, нээх ядаргаатай. Ер нь миний энэ сэтгэл зүй нэг л зүгээргүй дэг ээ. Сэтгэл зүйч авъя гэж бодохоор бас нэг л сайн мэдэхгүй, итгэлгүй байна аа. Ирэх нэг дэх өдөр сүүлийн бие даалтаа хамгаалчихвал шалгалтандаа бэлдэж эхэлнэ дээ. Өөрөөс х...

Дөнгөж 30 гараад байж ингэж хэлмээргүй байгаа ч нас явна гэж лүд юм аа. Гармоны өөрчлөлтийн шуурганд бие сэтгэлээрээ явчихдаг болсон юмдаг уу даа.  Саяхны нэг өдөр жигтэй их ядраад л бие өвдөх маягтай, орой ажлаас ирсэн чинь нөхөр гадуур гараад явчихсан, ирэх болоогүй гэсэн чинь бүр цаанаасаа гомдол төрөөд л явчихлаа. Хажуугаар нь толгой задарчих гээд болдоггүй. Байнга шахуу завгүй байдаг би чинь ажиллаж, сульдсан өдрөө хичээлээ хийхгүй гэр бүлтэйгээ цаг өнгөрөөгөөд сэргэе гээд бодчихсон байсан чинь шууд сэтгэлээр унаж энэ тэр. Эмороод л бүр уйлмаар санагдаад, хүүхдүүдээсээ санаа зовоод усанд орж хэвтэж байгаад жаал уйлав. Нөхөрлүүгээ гомдлын үгтэй мессежнүүд чулуудаад л. Янз бүрийн юм ургуулж бодож улам гомдож уйлаад л. Ядаж байхад энэ амьдрал чинь тухтай уйлах боломж ч олгохгүй юм. Аав ээжийг залгахад нь санааг нь зовоохгүйн тулд уйлснаа мэдэгдэж болохгүй (ойрд яриагүй тэр өдөр яг залгаж таараад байсан юм). Маргааш нь олон хүн амьтантай уулзах болохоор нүд бүлцийсэн байвал элдэв ...

Шөнийн шөнийн охин минь ухаараач дээ...♪♩♪ Австралид шөнийн 01:25 болж байна. Хичээлээ хийхийн оронд энд ингээд бичээд сууж байна даа. Гэнэт нөхрийнхөө талаар бичмээр санагдаад. Сая намайг сургууль дээрээс очиж авсан юм. Өглөө 6 цагаас ажилтай хүнийг нааш цааш нь явуулаад би жоохон даварчихсан эхнэр юм аа. Жоохон ч биш дээ, их л даварч байна. Тэгээд ханиараа бахархаж бичмээр санагдаад...  Би багаасаа л гадаадад сурна гэж боддог байсан боловч өөрийнгөө тэтгэлэг авна л гэж бодож байснаас яаж тэтгэлэг авах, тэрэнд бэлдэх гээд юу ч хийгээгүй, мөрөөдөхөөс цаашгүй сайхан гар явсаан. Мөрөөдсөөр байгаад гуч гарчихсан хүний мөрөөдлийг биелүүлж байгаа ханьдаа талархаад барашгүй. 10 гаран жилийн өмнө цав цагаан царайтай, сүмбэн цагаан хуруунуудтай, цав цагаан шүдээ ярзайтал инээсэн хүүхдээрээ, хөөрхөн залуутай танилцаж, энэ хүний л эхнэр болъё гэж шийдэж билээ. Зөв сонголт хийсээн. 2 хүүхдийн ээж, айлын эхнэр болчихоод би сургуульд сурна гээд олж ирсэн болгоныг нь сэгсрээд, гэртээ үзэгдэхгүй ...

Нэг бичихээрээ ойрхон ойрхон бичээд байдаг хирнээ заримдаа бичихгүй зөндөө удчих юм. Хамгийн сүүлд бие даалтаа хийгээд сандарч явсан бол дараа нь шалгалтын завгүй өдрүүд өнгөрч, амралт эхлэж, одоо бүр буцаад хичээл орох дөхчихсөн байдаг. Амралт ч гэж дээ, амрах хугацаандаа нэг хичээл авчихсан чинь юун амралт л боллоо. Лекцэнд суугаад л, бие даалт, тестүүд хийгээд, одоо сүүлийн бие даалт, шалгалт 2 үлдчихсэн байгаа. Шалгалт өгөөд л буцаад үндсэн хичээлүүд эхэлнэ. Гэхдээ ирэх семестерийн ачааллаа нэг хичээлээр бууруулж байгаа болохоор баяртай байна. Саяын семестерийн дүнгүүд гарсан. Өмнөхөөсөө арай муудсөөн. Гэхдээ нэг хичээл дээр бараг уначихвий гэж айж байсныг бодоход дажгүй ээ хэхэ. Одоо хичээлүүд бүр л илүү хүндрэх болохоор жаахан айдастай л байна даа. Шалгалтын сүүлийн долоо хоногоос эхлээд зүгээр амарч байхаар жоохон ч гэсэн нэмэртэй юм уу гээд Zara-д ажиллаж байгаа. Долоо хоногийн 3 өдөр ажилладаг. Ойрд ажил хийгээгүй болохоор эхлээд өдөржин зогсоод хөл нуруу өвдөөд байсан чинь од...

За өнөөдрийн гол даваагаа давсаан. Багаараа хийсэн бие даалтын кодоо хамгаалахаар эртхэн ирж суусан боловч, сургууль дээр зарим багш нар ажил хаялт хийгээд хамгаалалт онлайнаар болохоор болсон. Нэг оюутанд 5-7 минут зарцуулагдана. Нэрсийн жагсаалт гарсан чинь эхнээсээ 2-т тавигдчихаж. Зовлонгийн түргэн нь. Тэр нь амар юм уу даа. Тэгээд жоохон сандраад орсон чинь азаар миний хийсэн юмнаас л асууж байна. Өөрийнхөө хийсэн юмыг тайлбарлаад өгөлгүй яахав. Хугацаа бага байсан учраас их ч юм асуусангүй. Тэгээд л дуусчихлаа. Бэлдэж, сандарч байснаа гэнэт хурдан болоод дуусчихаар чинь сонин гэнэт юу хийхээ мэдэхээ больдог юм байнашдээ хэхэ. Тэгээд нэгэнт ирсэн байгаагийнх бусад юмаа ахиулахаар жоохон суулаа. Эртхэн харьдаг юм уу гэснээ ганц юм биччихээд явъя гээд бичээд сууж байна. Эрт ч гэж дээ, 23:30 болох гэж байна. Маргааш болохоос өмнө харьчихдаг юм уу гээд л.  Одоо нэг багаараа тавих илтгэл, нэг бие даалт 2 л үлдлээ дээ. Тэгээд шалгалтандаа бэлдэж эхэлнэ ээ. 12 хоногийн дараа том хүүг...

За сургуулийн номын сангаас гялс нэг бичвэр оруулчихъя. Уг нь хийх юм ихтэй байгаа л даа. Гэхдээ одоо цаг хүрэхгүй хугацааны дараа нэг лекц эхлэх гээд тэр дээр авах жижигхэн тестэнд бэлдчихсэн. Өөр юм хийе гэхээр нойр хүрээд, унтая гэхээр унтаж болохгүй байна.  Өнөөдөр хичээлийн сүүлийн долоо хоногийн эхний өдөр. Энэ долоо хоногт бүх хичээлүүд хаагдаад шалгалтын долоо хоногууд эхэлнэ. Ухаарлын долоо хоног гэх үү дээ... ...Гарч кофе авч уугаад, авчирсан 'Орёо'-тойгоо идчихлээ. Таргалуулдаг ч гэсэн би ингэж идэх дуртай. Ер нь нөгөө Монгол охинтойгоо нийлж хичээл хийдэг болсноос хойш бид 2 өдөржин идэх уух юм ээлжилж эргүүлээд нилээд таргалах шинжтэй байгаа. За яахав яахав, хичээлээ дуусгаад турчихъя.  Багаа зөв сонгохгүй бол балрана гэдгийг ойлгосон байсан ч гайгүй гаруудтай баг болчихлоо гэж бодоод балай юмнуудтай нэг баг болоод нэг хичээл дээр бие даалтаа дутуу хийж хураалгасаан. Муусайн юмнууд надад заагаад л, өөрийнхийгөө дуусгачаад тусламз энэ тэр гээд томроод л байсан цага...

Өөрийгөө хайрлах 9 хоногийн сорилыг туршиж үзэх гэсэн боловч энэ нь миний хувьд хэдэн сараар үргэлжилж байх шиг байна. Гэхдээ удаанаар ч болов бүгдийг нь хийж үзвэл өөртэйгөө илүү дотно танилцаж, илүү хайрлах юм шиг мэдрэмж төрөөд байгаа тул зогсоохгүй байхыг хичээнэ ээ. Хүн ер нь бодол сэтгэлийн амьтан гэдэг. Би бол яг мөнөөсөө мөн. Байнга л ямар нэгэн зүйл бодож эргэцүүлж, тэрүүгээрээ өөрийгөө унагаж босгож, хурцалж мохоож байдаг нэгэн. Заримдаа сөрөг бодлууддаа автаж сэтгэлээр унана, заримдаа хэт сэтгэлийн хөөрөлдөө автана гэх мэт. Өнөөдөр тэрхүү намайг удирдаад байдаг сөрөг бодлуудынхаа талаар эргэцүүлж, өөртэйгөө ярилцах нь ээ. ӨНӨӨДРИЙН АСУУЛТ: Танд одоо тохиолдож байгаа, эсвэл өмнө нь тохиолдсон ямар нэгэн таагүй, хэцүү үйл явдлын талаар бодно уу. 1. Ямар хэцүү, таагүй зүйл тохиолдсон бэ? Өнгөрсөн семестрийн талаар бичье гэж бодлоо. Миний хувьд хоёрдогч хэл дээр их сургуульд сурч байгаа анхны удаа гэдгээс гадна Англи хэл маань тийм ч хангалттай сайн биш учраас маш их стресстэй б...

Өнөөдөр их сонин өдөр байна аа. Бие ч тавгүй байгаа юм шиг, сэтгэл ч тавгүй байгаа юм шиг, эсвэл   бүх юм зүгээр ч юм шиг. Өнөөдөр "Мартын найман". Олон улсын эмэгтэйчүүдийн эрхийг хамгаалах өдөр, манайхаар бол эмэгтэйчүүдийн баярын өдөр. Би өнөөдөр цэцэг аваагүй. Гэхдээ тэрэнд сэтгэл дундуур байгаа юм уу гэвэл үгүй л дээ. Харин нөхөр эзгүй болохоор хоосон оргиод байх шиг байна. Өнөө өглөө үүрээр явахдаа хайр нь ирэхдээ бэлэг авчирнаа за гээд үнсээд явсан. Тэгээд л тэрэнд нь миний сэтгэл дүүрчихсэн.  Магадгүй цаг агаар бас нөлөөлөөд байгаа байх. Манай энд зогсоо зайгүй 2-3 долоо хоног бороо орж байна. Зарим газраараа үер болоод л, байшингийн дээвэр хүртэл ус татчихсан. Байгалийн гамшиг гэдэг нь болж, олон хүн орон гэргүй болж байх шиг байна. Бид яахав, хотын төвд шахам болохоор санаа зовох юмгүй, орон сууцандаа эморсон шигээ тайван л сууж байна. Энд ирээд 4 жил болоход нэг жилийн айхтар гал түймэр, нэг жилийн үер, 2 жил гаран цар тахал гээд их л юм үзэвдээ. Үзлээ гээд яг дунд...

Зэээ, хичээл орж эхэлсэн байдиймаа!  За эхний семестрийн айдас стрессийг бодоход 2 дахь семестер гэдэг чинь хамаагүй тайван байдаг юм байна хөөе. Ядаж л хичээл сонголт болон хичээлийн явц ерөнхийдөө яаж явагдахыг мэдэж байгаа болохоор энэ нь юу юм бол, тэрийг яах юм бол гэж сандарч хямрахгүй байна. Тэгэхээр хүн ер нь мэдэхгүй зүйлээсээ хамгийн их айдаг, стресстдэг гэдэг үнэн юм аа. Хичээл сонголт дахиад л үзэх гэсэн хичээл хоорондоо давхцаж нэг хэсэг толгой гашилгасан ч давхцуулаад, нэг лекцээ нөхөж үзэхээр зохицуулаад юутай ч болсоон.  Энэ улиралд бас л 4 хичээл үзэж байгаа бөгөөд Даваа, Мягмар болон Лхагва гаригуудад хичээллэх болно. Лекцүүд бүгд цахимаар, харин лаборатори болон семинарын хичээлүүд танхимаар орох болсон. 1 болон 3 дахь өдөр лекц, семинар дарааллаад, 2 дахь өдөр харин 1 лекц, 2 семинар ороод, давхцсан нэг лекцийг нь дараа нь нөхөж үзнэ.  Хичээл эхлэхийн өмнөх 0 долоо хоногт сургууль дээр болж байгаа танилцах хичээл, клуб, бүлгэмүүдийн танилцуулга, фестив...

За өөрийгөө хайрлах сорилыг хийж байгаа найз маань 2 дахь өдрийнхөө даалгаврыг оруулжээ. Энэ удаад Хил хязгаар буюу Boundary-ийн тухай. Хил хязгаар бол биднийг бусдаас зааглаж буй орон зай бөгөөд хамгийн гол асуудал нь бусад хүмүүс бидний хязгаарыг давах биш бид өөрөө өөрийнхөө хязгаарыг эвддэгт байдаг гэнэ. Өнөөдрийн сорил бол ямар хил хязгаартаа бид эзэн сууж чадахгүй байгаагаа тодорхойлох юм байна. Дараах өгүүлбэрүүд миний хувьд хир үнэн, мөн хэрхэн сайжруулж болохыг тэмдэглэх юм байнаа.  1. Тийм гэж хэлэхийг хүсдэг боловч үгүй гэчихдэг. Үгүй байх зүйл дээр тийм гэчихдэг.  - Yes . Заримдаа хэн нэгний хүсэлтэнд үгүй гэж хэлж чаддаггүй. Хүсээгүй мөртлөө тийм гээд хэлчихээд өөртөө ачаа үүрүүлж явдаг.  2. Хэн нэгэнд үгүй гэж хэлэхдээ санаа зовдог (гэмшдэг). - Yes . Туслаж чадахгүй болоод үгүй гэж хэлэхдээ гэмших мэдрэмж төрдөг.  3. Бусдын нөхцөл байдал, тухыг бодож өөрийнхөө зарчмаас өөр үйлдэл хийдэг. - Maybe . Өөрийнхөө зарчим гээч юмыг сайн мэдэхгүй болохоор энэнд ...

За энэ бол бараг ойр хавьд тэмдэглэл хийчих юм олдохгүй болохоор нь бичиж байгаа ноорог шүү. Нийтлэхгүй ч байж магад. Нүүр ном үзэж байтал нэг найз маань өөрийгөө хайрлахад суралцах 9 хоногийн чээллэнж эхлүүлж байгаа, эхний өдөр энэ гарчиг дээр байгаа асуултад хариулж 20 өгүүлбэр заавал бичих ёстой гэсэн байхаар нь сонирхоод туршиж үзэж байгаам шүү.  Өөрийгөө хайрладаг хүн ямар үйлдэл хийдэг юм бол? 1. Мэдээж эрүүл мэнддээ хамгийн их анхаарна. Тиймээс "эрүүл хоол"-ноос эхэлье. 2. Дараа нь мэдээж дасгал хөдөлгөөн тогтмол хийдэг. 3. Зөв цагт унтаж нойроо сайн авдаг.  4. Аль болох уурлаж бухимдахгүй, аливаа зүйлсийг хөнгөн уужуу хүлээж авдаг. 5. Бусдад хэт их санаа зовж, түүндээ өөрөө стресстэхгүйн тулд үгүй гэж хэлж чаддаг. 6. Гоо сайханд тогтмол орж, арьс, үс хумсаа арчилдаг. 7. Өөртөө хамгийн чанартай зүйлсийг авч зориулдаг, ө өртөө таалагдсан зүйлд гар татдаггүй.  8. Цагаа зөв зохицуулж чаддаг, цагийг нь тулгаж өөрийгөө зовоож, эвгүй байдалд оруулдаггүй.  9. Эмнэлги...

Хааяа бас өөрийгөө хөгширсөн гэдгийг муухай мэдрэхиймаа. Хичээл орохоос өмнө хэл усаа жаахан зүгшрүүлээд хүн амьтантай нүүр хагараад бэлдэж байя гэж бодоод нэг залуучуудад зориулсан хөтөлбөр байхаар нь бүртгүүлээдэхсэн, ямартай ч тэнцэж бариад өнөөдөр хөтөлбөрийн бэлтгэл семинар болов. Яваад очтол дандаа хүүхдүүд, ихэнх нь бакалаврын оюутнууд. Даруй надаас 10 насаар дүү гэсэн үг юм уу даа 👵. Яриад, өөр хоорондоо танилцаад явж байтал 2 хүүхэдтэй аниа гэдгийг маань мэдээд нүд нь орой дээрээ гарч энэ тэр. Залуучууд малуучууд гэсэн юманд бараг багтахааргүй болж байгаа юм байна дөө. Манай үеийнхэн арай өөр юм хийж явдаг юм шиг байна шд 😜 Би өөрийгөө оюутан, залуухан гэж бодоод яваад байсан чинь кк.  Ирэх нэг дэхээс эхлээд 2 долоо хоног, нийт 8 өдөр, өдрийн 6 цагаар хамрагдах хөтөлбөр юм. Гэтэл өнөөдрийн 2 цаг аягүй удаан юм шиг өнгөрч гэдэс хүртэл дундуур нь дугараатахав. 6 цаг юугаа хийж өнгөрөөхийн байгаан бөө мэд. Дээрээс нь хүүхдүүдийн хичээл яг зэрэгцэж эхэлнэ. Хөгшин аниа нь хүү...

Юм хийе гэсэн чинь хийгдэгддэггүй сонин өдөр байна аа. Шинэ оны эхний пост цоглог эхлэх байсан чинь юу бичээд байна аа. Яасан бэ гэхээр Ковид гуай морилсон. Гэхдээ одоогоор зөвхөн нөхөрт хүрсэн байгаа. Би өөрийгөө чагнасан маягтай, гэхдээ гайгүй л байна. Ер нь манай энд утгаа алдсан гэхэд болно дөө. Учир зүггүй 2 жил гаргахгүй оруулахгүй гээд сүйд болоод л, хаагаад боогоод хамгаалаад л байснаа одоо сулд нь хаясан. Вакциндаа хамрагдсан учраас хөнгөн тусаад өнгөрнө гээд тэгээд байгаа юм уу бүү мэд. За ямар ч байсан туулаад, тусаад л өнгөрөх юм шиг байна.  Би энд уг нь үзэл бодол бичье гэж боддог боловч үйл явдал бичсээр байгаад таарах юм. Гэхдээ бас үйл явдлуудыг бичээд тэмдэглээд явбал хожим нь дурсгалтай гэж боддог юм. Өдрийн тэмдэглэлийн оронд л хөтөлдөг гэх үү дээ. За тэгээд тэмдэглэлээ эхлэх үү дээ.  Юун түрүүнд шинэ оны мэнд ээ!  Шинэ оноо Сиднейн салютыг үзсэн шигээ завин дээр гэр бүлийн найзуудын хүрээнд угтсаан. 15 орчим минутын турш нүд баясам гайхалтай ёслолын бу...