I am a Daughter of Captain

Зүгээр л энэ цаг үеийн талаар бичиж үлдээх хэрэгтэй санагдаад энэхүү тэмдэглэлийг эхлүүллээ. Дэлхий нийтээр Covid-19 буюу "шинэ корона" хэмээх аймшигт вирустай нүүр тулаад ердөө гурван сарын хугацааг өнгөрөөж байна. Энэ хугацаанд зуу зуун мянган хүн аюулт вирусээр халдварлаж, хэдэн арван мянгаараа хорвоог орхиж байна. Цаашдаа энэ тоо хэрхэн өсөхийг таах боломжгүй. Ямар бурхны авралаар бид хэзээ энэ аймшигт өвчнөөс салж, энх цагтай учрахыг мэдэшгүй. Яг л дайны үе мэт өдөр бүр хичнээн хүн нэмж халдварлан, хэд нь бурхны оронд заларсныг зарлана. Хорвоог орхисон нэгнээ эцсийн зам нь үдэж чадалгүй тусгаарлагдна. Улс орнууд хилээ хааж, нислэг тээврүүд цуцлагдаж, сургууль цэцэрлэгүүд карентилж, дэлгүүр үйлчилгээний газрууд хаалгаа барилаа. Хүнсний дэлгүүрийн лангуун дээрээс гурил будаа олдохоо больж, махны үнэ өсөж, хүмүүс ариун цэврийн цаас, саван, ариутгагч бодисонд дугаарлан зогсож байна. Хүүхдүүдээ гэрээс гаргахгүй гэрийн хорионд оруулж, гадуур хоёроос дээш хүн хамт явахыг хориг...

2018-12-31 Бүтэн 14 сарын дараа Тайланд улсын Пукет арлаар хэрхэн аялсан тухайгаа бичих гэж байгаадаа таатай байна аа. Миний бие Австрали улсад 2018 оны 4-р сард ирсэн бөгөөд энэ улсын хувьд бүх нийтээрээ амардаг хамгийн урт амралт нь 12-р сарын сүүл буюу Христ гуайн мэндэлсэн өдрөөс ирэх оны нэгдүгээр сарын 2 дахь долоо хоногийн эхний өдөр хавьцаанаас эхэлдэг билээ. Тиймээс энэ богинохон бөгөөд боломжит хэдэн өдрүүдэд хөлтэй нь хөлхөж, хөлгүй нь мөлхөж цагийг үр бүтээлтэй өнгөрөөхийг хичээдэг бөгөөд хань бид 2 ч мөн энэхүү боломжийг алдалгүй ашигласнаа одоо бодоход ихээхэн тааламжтай байна аа.

 2020-01-17 Цаанаасаа л азын бэлгэдэл болсон 2020 он минь сайн байна уу? Он гарангуут л зохицуулах, амжуулах ажлууд гараад цаг зав багатай байлаа. 2018 онд гэр бүл, хүүхдүүдээсээ хол, ханьтайгаа хоёулхаа өнгөрүүлсэн цаг хугацаа давамгайлж байсан бол 2019 он өнөр өтгөн, гэр бүлийнхэн, хайртай хүмүүсээрээ хүрээлүүлсэн жил байлаа.  2019 оны эхэнд тавьсан зорилгуудаас хамгийн гол зорилгоо амжилттай биелүүлж чадсандаа үнэхээр баяртай байна. Хайртай хонгор үрс болон аав ээжүүдтэйгээ уулзаж, тэдэндээ Австрали тивийг үзүүлэх том зорилгодоо 100 хувь хүрч чадсаан. Оны эхэн үед өөрсдийнхөө визийг урт хугацаагаар сунгуулан, дунд хэсэгт нь тусдаа гарч, гэр бүлийнхэнийгээ ээлж дарааллан визэнд оруулж, амжилттай гарснаар оны дундаас эхлэн том хүү минь эмээтэйгээ, араас нь отгон хүү минь өвөөтэйгөө, дараа нь ээж, дараа нь аав гээд авчрах ёстой хүмүүс маань бүгдээрээ бидэн дээрээ зочлон иржээ. 2018-2019 шилжих оныг хоёулхааа гаргаж байсан бол 2019-2020 оныг харин хорин хоёулаа гаргас...

Сүүлийн хэд хоног нэг л тийм эмо мүүдтэй байх боллоо. Яг тэр гэх хийсэн бүтээсэн юм байхгүй, урсгал дагаж хөвөөд л. Тэрэндээ сэтгэл ханахгүй болохоор өөрийгөө голоод байнга сэтгэл дундуур байх шиг. Ядаж байхад хань ижилтэйгээ муудчихаар бүр нэг тийм онцгүй дээр онцгүй болчих юм. Учраа ч олохоо болилоо. Хааяа нэг цаг гаргаж ганцаараа баймаар санагдах юм өө. Хүүхдүүд байхгүй болохоор санаад байдаг, ирчихээр нь бас нэг ганцаараа энэ тэр баймаар болоод байдаг, яацарцан ч ааш зан юм, мэдкүээ мэдкү. Он гарах гээд ойртоод байдаг хийсэн бүтээсэн юм юу ч байгаад байгаан. Хүн ер нь тодорой зорилготой байж, зорилгодоо хүрэх тууштай зүтгэлтэй байхгүй бол ингээд л учраа олохгүй урсгал дундаа төөрдөг бололтойдог. Жил болгон л мундаг мундаг зорилго тавидаг, хичээсэн ч юмгүй биелүүлсэн ч юмгүй, зүгээр лоозон болчихсон юм уу хаашаа юм зарим нь. Хичээвэл уг нь яг алкаад байгаа байхгүй юу. Хичээх гэхээр жоохон унтчмаар ч юм шиг, унтаад босоод хийх гэхээр хүүхдүүд шуугилдаад саад болоод байгаа ч юм шиг, ...

Дахиад л гурван 7 хоногийн дараа тэмдэглэл бичих боломж гарлаа. Цаг бага байгаа учраас шууд хариултууддаа орно оо. 1. Энэ долоо хоногт хамгийн их талархсан зүйл Энэ сарын эхээр миний 30 насны төрсөн өдөр тохиосон бөгөөд өмнөх жилүүдээс нилээд өргөн тэмдэглэсэн. Юуны түрүүнд "Ийм сайхан охин төрүүлж, өсгөж, одоог хүртэл туслаж дэмжиж хайрласаар байдаг" аав ээж хоёртоо баярлалаа. Мөн төрсөн өдөрт маань ирж, гайхалтай төрсөн өдрийн хамтдаа тэмдэглэж өнгөрүүлсэн гэр бүлийн найзууд болон ажлын найзууддаа талархаж байна аа. Зөндөө гоё гоё бэлэгтэй болсоон. 2. Энэ 7 хоногт надад хамгийн их нөлөөлсөн контент Өнгөрсөн амралтын өдрүүдээр сэтгэл зүйч Б.Наранбаатар Сидней хотод ирж хувь хүний хөгжил, гэр бүлийн харилцаа болон хүүхэд хүмүүжлийн талаар лекц тависан бөгөөд ханьтайгаа хамт сууж, олон хэрэгтэй чухал зүйлсийг сонсож ойлгож авсан. 3. Энэ 7 хоногт хийсэн хамгийн сэтгэлтийн таашаал авсан зүйл Төрсөн өдрөө тэмдэглэх үед болон маргааш нь аялахдаа найзуудтайгаа хүүхэд ба...

Долоо хоног бүр үнэндээ бичиж амжихгүй юм өө. Энэ удаад бүр 3 долоо хоногийн дараа бичиж байна. Эдгээр өдрүүд бол ээжээр амьсгалсан өдрүүд байлаа. Ханийнхаа ээжийг гаргаж өгөөд, хайртай ээжийгээ тосч аваад, ээжтэйгээ хамт өнгөрүүлсэн өдрүүд үргэлжилж байна. Асуултын хариулт бүрээс л ээжээрээ амьсгалж байгаа минь мэдрэгдэх байх.  1. Энэ долоо хоногт хамгийн их талархсан зүйл Энэ удаад намайг төрүүлсэн сайхан ээждээ таларханаа. Ээж минь хэрэгтэй үед үргэлж л миний дэргэд байж, биднийхээ төлөө бүхнээ зориулсан сайхан эмэгтэй юм. Энэ удаад ч охиндоо тус болж 2 хүүг минь харахаар алс холоос охиноо зорин ирлээ. Ээжийгээ ирэнгүүт л цаанаа нэг сэтгэл дүүрэн болж, өөрийн эрхгүй эрхэлмээр болох юм. Тандаа талархаад талархаад баршгүй нь ээ ээж минь.  2. Энэ 7 хоногт надад хамгийн их нөлөөлсөн контент Нөлөөлсөн гэхээсээ илүү сэтгэлд хүрсэн хэд хэдэн контент байсны нэг нь Өглөөний гайхамшиг номын тухай Сэхээтэн подкастын Тайван гэдэг залуугийн ярьсан дугаар сэтгэлд хүрсэн,...

Үр бүтээлтэй гэхээсээ завгүй 7 хоногууд үргэлжилсээр... Долоо, долоо хоногт нь тэмдэглэл хөтлөж ч амжихгүй байнаа. Ямартай ч өнгөрсөн 2 долоо хоногоо багцлаад нэг бичихээр шийдлээ.  1. Энэ долоо хоногт хамгийн их талархсан зүйл Талархаж мэддэггүй хог юм аа. Жаахан бодож байгаад бичье ээ.  2. Энэ 7 хоногт надад хамгийн их нөлөөлсөн контент Монголд байгаа найз маань илгээсэн "Шик хатагтай зөвлөгөө" номыг уншиж эхэлсэн юм. Гэрт бараг унших боломж гардаггүй учраас ажил гэр хоёрынхоо хооронд трэйнд явах замдаа хэсэг хэсгээр нь уншиж байгаа. Уншаад явж байхад л бушуухан хариад хувцасны шкафаа цэгцэлмээр юм шиг, нуруугаа цэхлээд суумаар юм шиг, хоол хүнсээ өөрчилмөөр юм шиг нэг тийм мэдрэмж төрүүлээд байх болсон. Удахгүй бага багаар өөрчлөлт хийнэ ээ.  3. Энэ 7 хоногт хийсэн хамгийн сэтгэлтийн таашаал авсан зүйл Доор дурдагдах аялалаас хамгийн их таашаал авсаан. Шинэ газар үзэж аялах нь надад үнэхээр сэтгэлийн таашаал өгдөг. Бас өөрөө санаачлаж, зохион б...