I am a Daughter of Captain

 Наймдугаар сарын 31 гэсэн пост бичих гээд орсон чинь 9 дүгээр сар гарчихлаа. Шөнийн 00 цаг 09 минут болж байна. Хоёр хүүгээсээ бас Монголоосоо хол 9 сарын 1 жаахан уйтгартай юм. Монголдоо 2 хүүтэйгээ хамт байсан бол, хүүхдүүдийнхээ бас өөрсдийнхөө өмсөх хувцсыг жимбийтэл бэлдээд, бүх нийтээрээ ариун цэврийн үйл сахиад, маргааш өглөө болохыг догдлон хүлээж суугаа биз. Бага хүү минь төрийн албанд явах насаэд хүрч, харин том залуу бэлтгэл бүлэгрүү дэвшжээ. Цаг хугацаа гэж... Саяхан л өөрөө хичээлдээ явах гэж догдолсон жаахан охин байсан шиг санагдах юм. Гэтэл хоёрын хоёр залуугийн ээж болчихсон, хүүхдүүдийнхээ өмнөөс догдлон суудаг болжээ. Жаахан хүүгийнхээ анхны 9 сарын 1-нд хамт байж чадахгүй байгаадаа ээж нь бяцхан гэмшил тээн хэвтэж байна. Та хоёртойгоо хурдан уулзаж, хамтдаа илүү сайхан амьдрах ирээдүйг бүтээхээр аав ээж 2 нь хичээж байгаа юм шүү. Олон олон 9 сарын 1-нд аав ээж 2 нь хүүхдүүдийнхээ гараас хөтлөөд хамтдаа алхах болно. Ээжийн 2 сайхан үрийн эрдмийн их үйлсийн зам ...

Ингээд бид удаан хөөцөлдөж, хүлээсний эцэст Австрали улсад хөл тавилаа. Манай гэр бүл 2017 оноос эхлэн Австрали улсад сурч, ажиллахаар төлөвлөөд нилээдгүй хүчин зүтгэл гаргасны эцэст миний бие энэхүү улсад ирээд 10 дахь өдрийнхөө нүүрийг үзэж байна. Төлөвлөснөөр бол бид энд нилээд хугацааг өнгөрөөх учир юуны түрүүнд анхны сэтгэгдлээ үлдээе гэж бодлоо. Магадгүй цаг хугацаа өнгөрөхийн хирээр энэ улсын талаарх сэтгэгдэл, үзэл бодол нилээд өөрчлөгдөж мэдэх юм.  Уламжлал ёсоор энэ орны тухай товчхон мэдээллийг хүргэвэл:  Үндэстнүүдийн холбооны Австрали улс хэмээх энэ улс нь Австралийн эх газар болон олон тооны арлуудыг хамардаг бөгөөд газар нутгынхаа хэмжээгээр дэлхийд 6-д ордог. Уугуул иргэд нь Абергинчууд боловч хүн амын ихэнх хувийг Англи болон Ирланд гаралтай хүмүүс бүрүүлдэг, 24 сая орчим хүн амтай. Анх 1606 онд Голландын аялагч Австрали тивийг олж илрүүлсэн боловч Британичууд тус тивийг бүрэн эзлэж байсан ба 1901-1-1 өдөр Австралийн 6 муж улс нэгдэн Үндэстнүүдийн холбоон...

Сайн байна уу 2018 он минь! Гайхалтай сайхан бүхнээрээ надад бэлэг барихад бэлэн үү? Он гараад удалгүй нөхөр маань алсын орныг зорьж, би ч мөн адил удахгүй араас нь явахаар өдөр хоногийг тоолон хүлээж байна. Энэ он бүхэлдээ шинэ соргог, сайн сайхан бүхнээр дүүрэн байна гэдэгт итгэж байна. Нэгэн хэвийн урсгалд орсон амьдралдаа томоохон өөрчлөлт хийж, олон зүйлийг сурч мэдэж мэдлэгээ нэмсэн, их зүйл үзэж харж нүдээ нээсэн, олон хүнтэй танилцаж хүрээгээ тэлсэн их өөрчлөлт, их амжилтын жил болно гэж хүлээж байна. 2018 оныхоо төлөвлөгөөг хараахан бичиж амжаагүй байна. Завгүй гэмээр өдрүүд ар араасаа өнгөрсөөр нэг мэдэхэд 1-р сар талдаа оржээ!  2017 оныхоо төлөвлөсөн зүйлсийн биелэлтийг ч үнэлэж дүгнэж амжаагүй явна. Ямартай ч нилээд хэдэн том ажлуудаа амжуулж чадсан гэж бодож байна. Хамгийн том зорилго болох Австрали улсыг зорих зорилго маань эхнээсээ биелэлээ олж хань минь түрүүлээд явсан. Удахгүй араас нь очих болно. Мөн өөрийнхөө эрүүл мэндэд анхаарал тавихаар төлөвлөсөн 2 том т...

Анх ээж болсноо мэдсэн үеэсээ эхлэн хүүдээ зориулан тэмдэглэл хөтлөж билээ. Гэртээ ганцаараа байх үе, ханьдаа гомдоод уурлаж байх үед минь хань болох шиг санагдаж, хамаг зовлон, баяр, гуниг, болсон бүх зүйлээ дэвтэртээ бичиж үлдээдэг байлаа. Хүүгийнхээ сурсан, хийсэн зүйлүүдийг нэгд нэгэнгүй бичиж хүүтэйгээ дотроо ярилцаж, энэ дэвтрийг унших үедээ хүү минь ээжийгээ шоолон инээнэ байх даа хэмээн бодон бодон бичдэг юм. Хүү минь том болж, ээж нь ч цаг зав багатай болсноор арай гэж л зав гарган хэдэн сардаа нэг тэмдэглэл бичдэг болсон. Энэ дэвтрээ хүүгээ 16 нас хүрэхэд нь бэлэглэнэ гэж боддог юм. Саяхан, саяхан ч гэж дээ 10 сарын өмнө бид дахин шинэ хүнтэй болж ярих сэдэв, анхаарлын төв дүүрүү шилжлээ. Ээж нь тэмдэглэл дээрээ дүүгийнх нь талаар их бичээд том хүүгээ гомдоочих юм шиг санагдаад, дүүд нь шинэ дэвтэр нээх гэхээр 2 дэвтэр зэрэг хөтлөх худлаа болчих юм шиг санагдаад байх юм. Том хүү минь надад зориулсан дэвтэр дээр дүүг л баахан өхөөрдсөн байдаг гэх болов уу, эсвэл бага хүү минь...

"Зуун жилийн ганцаардал" зохиолоороо шуугиан тарьж, Нобелийн шагнал хүртсэн зохиолч Г.Г.Маркес нойр булчирхайн хорт хавдраар өвчлөн ямар ч найдваргүй болсноо мэдээд дэлхий дахинд сүүлчийн захидлаа илгээжээ. Тэр дахин хэзээ ч бичиж чадахгүй болсон хэмээн түүний ах хэлсэн юм. Хэрвээ бурхан намайг утсан хүүхэлдэй гэдгийг хэдэн хором мартаад надад хумсын чинээ амьдрал бэлэглэвэл би бодсон болгоноо ярихгүй байсан байж магадгүй. Гэхдээ юун тухай ярьж буйгаа бодох нь гарцаагүй юм. Би эд зүйлсийг мөнгөөр биш, утга учраар нь үнэлэх байсан. Нүдээ аних хором болгондоо бид цаг хугацаанаас 60 секунд бүрийг алдаж байгааг ойлгон би бага унтаж, маш их мөрөөдөх байсан. Бусдыг зогсож байхад би урагш алхан явах байсан, бусдыг унтахад сэрүүн байх байсан. Бусдыг ярьж байхад би бурам идэж байгаа мэт таашаал аван сонсох байсан. Хэрэв бурхан надад ганцхан хором амьдрал дахин бэлэглэвэл би илүү даруу хувцаслаж, наранд биеэ шарж, дулаан илчинд нь сэтгэлээ бүлээцүүлэх байсан. Бурхан минь хэрэв...

Ээжээ би эргээд хүүхэд болмоор байна Энэ гучин нас руу очмооргүй байна Энгэрт чинь шургаад зүүдлэлгүй унтах юм сан Эр нөхөр, үр хүүхэд..... Ээж минь дээ ээж минь Дэрвэж нисдэг даашинзаа ганцхан удаа өмсөөд Дэгдэн дэрвэн гүйж бүхнийг нэг мартах сан Дэмий энэ дурлал уу.... Зүрх минь ядарч байна ээжээ Дэндүү том юм амьдрал Ганцхан удаа л буцах сан... from facebook

Би эрхэлмээр байна Духан дээрээ үнсүүлж Дураараа аашилж  Чангаар тэврүүлж Цаашаа гэж түлхсэн мөртлөө наалдаж Хүзүүнээс нь зүүгдэн  Хүүхэд шиг эрхэлмээр байна Даарлаа гээд цамцыг нь тайлуулж Давраад бас нуруунд нь үүрүүлж Мөрөөрөө тэврүүлж Мөхөөлдөс долоогоод Өлмий дээрээ өндийн Өөрийгөө үнсүүлээд л Үдээсээ үдүүлж  Ороолтоо засуулаад Гэрэлтэй гудмаар хамт алхаж Гэгэлзэн догдлон эрхэлмээр байна Ном уншуулж бас бүүвэйлүүлж унтаад Нойрон дундаа нүдээ нээхэд Намайг ширтэж байхыг нь харж Өглөөний цайгаа орондоо зөөлгөж Өдөржин хөнжилдөө хөлбөрч Өвөр дээр нь суугаад  Үсээ илүүлж  Ээжийн жаахан охин шиг Эрхэлмээр байна би Хамтдаа гадуур зугаалж Хайрын тухай кинонд уярч Нулимсыг минь арчингаа шоолоход нь Нэмж туниад аргадуулж Анх танилцаж болзож байсан шигээ Амраг залууд эрхэлмээр байна Би эрхэлмээр байна Цаг наргүй зүтгэдэг ээжийн ажлынхаа Цалинг би ингэж л авмаар байна Үнэтэй ресторан, хувцас, мөнгөөр биш Үнсэлт, тэврэлт, хайраар...