Бүсгүйд шивнэе!

Олон зүйлийг нуршаад яахав. Сарын тэмдэг ирсэн өдрөө хараарай.

1-нд: Энэ өдрүүдэд та туйлын аз жаргалтай байх нь. Хүссэн бүхэн тань биелэлээ олж, өмнөх гомдол хийсэн одох болно. Үүгээр ч зогсохгүй ашиг орлого нэмэгдэнэ.

2-нд: Хэн нэгэнтэй маргалдаж муудалцахаас сэрэмжлээрэй. Энэ нь таны сэтгэл санаа тайван бус байгаатай холбоотой. Энэ байдал удаан үргэлжилбэл та хамгийн сайн найзаа ч алдаж болзошгүй.



3-нд: Дурлалын өдрүүд эхэллээ. Та хэн нэгэнд бүх сэтгэл зүрхээрээ татагдах болно. Магадгүй энэ бүхэн таныг анзаараа ч үгүй байхад болоод өнгөрчихсөн байх вий. Харамсалтай нь энэ харилцаа төдий л удаан үргэлжлэхгүй.

4-нд: Та хэн нэгнийг үнэн голоосоо жигших болно. Энэ асуудлаа хурдан шийдэхгүй бол дараа нь өөрт тань гай болж магадгүйг анхаараарай.

5-нд: Сэтгэл хангалуун, өөдрөг зугаатай өдрүүд эхэлнэ. Санаандгүй олон үйл явдалд сэтгэл санааны бэлтгэлтэй байгаарай.

6-нд: Хэн нэгний ховонд өртөх нь байна шүү. Энэ бүхэн сэтгэл санаанд тань хүчтэй нөлөөлөх ч тайван, тэвчээртэй хандсанаараа та ялагч болно.

7-нд: Хүссэнээ төвөггүй худалдаж авах, эсвэл хэн нэгнээс бэлэг авна.

8-нд: Та дурлах нь ээ. Гэхдээ энэ удаад нөхөр, эсвэл найз залуугийнхаа сайхан шинжийг өөр өнцгөөс олж харж, дахин дурлана. Энэ нь танд ихээхэн аз жаргал бэлэглэнэ.

9-нд: Хэн нэгний хардлагад өртөж, сэтгэл санаагаар унах бололтой. Гэхдээ түр зуурын асуудал болохоор нэг их ач холбогдол өгөх хэрэггүй дээ.

10-нд: Үерхэлд тань хэн нэгэн саад болох гээд байна. Хэдийгээр энэ нь таагүй явдал боловч та хоёрын үнэнч сэтгэлийг сорих шалгуур гэдэг утгаараа сайн талтай юм шүү.

11-нд: Энэ өдрүүдэд таны биеийн эсэргүүцэл суларч, ойр ойрхон өвчилж болзошгүй. Дулаан хувцас, илчлэгтэй хоолноос бүү татгалзаарай.

12-нд: Санаандгүй хүнтэй танилцана. Гэхдээ түүнээс болгоомжил. Тэр сайн санасан хүн биш байна.

13-нд: Их орлого олж, мөнгөтэй болно. Халаасанд тань орох энэ мөнгийг та төлөвлөж тооцоолоогүй л байсан болов уу. 

14-нд: Удаан хугацаанд уулзалдаагүй хүн танайд айлчлан ирэх гэж байна. Тэр танд баяртай мэдээ дуулгана.

15-нд: Бие, сэтгэл чинь хямарч, хэсэг хугацаанд тавгүй байх бололтой. Яг юунаас болж ингэснээ дотроосоо эрээрэй. Хариултыг нь та заавал олно.

16-нд: Сэтгэл сэргээсэн сайхан мэдээ ирнэ. Энэ мэдээ амьдралыг тань орвонгоор нь эргүүлж ч магадгүй.

17-нд: Хайртай хүнээсээ хагацах муу ёр зөгнөж байна. Энэ бүхнийг өөрөөр эргүүлэх боломж бас байгаа шүү. Үл ойлголцол, маргаан гаргахгүйг хичээгээрэй. Хайртай хүнийхээ сэтгэлд оргүй хоосон сэв суулгахаас болгоомжлохыг зөвлөе.

18-нд: Хүсэл тань сэтгэлчлэн биелэх сайхан мэдээг танд дуулгая. Ойрын хэд хоногт үнэхээр жаргалтай өдрүүд байх болно.

19-нд: Шинэ хүнтэй танилцана. Хэрвээ та ганц бие бол энэ хүн таны ирээдүйн хань байж ч болох юм. Түүнд эзэмдүүлэхийг хүсч байгаагаа аяндаа мэдэрнэ.

20-нд: Хэн нэгнээс болж нулимс тань урсах болно. Гэхдээ түүний хувьд санаатайгаар ийм явдал хийгээгүйг санана уу. Тэр уучлалт гуйж таныг тайвшруулахад битгий хатуурхаарай.

21-нд: Тун удахгүй сэтгэлийг тань сэргээх сайхан мэдээ ирнэ. Гэхдээ бүү яар. Тэртэй тэргүй танд л зориулагдсан мэдээ учраас сонсож л таарна шүү дээ. Харин энэ баяраа дотно хүмүүстэйгээ харамгүй хуваалцаарай.

22-нд: Тойрон хүрээлж буй хүмүүс чинь танд сайнаар хандаж, магтах болно. Үүнд тэгтлээ баярлах хэрэггүй. Инээсэн бүхэн нөхөр биш.

23-нд: Хэмжээлшгүй их хайранд умбана. Хамгийн гол нь хүний хайрыг дааж чадах хэрэгтэй шүү.

24-нд: Таны хүргэсэн хов найз нөхдийн тань дунд таагүй уур амьсгал бүрдүүлнэ. Энэ байдлаас гарахад та л тусалж чадна. Учир нь энэ таны л эхлүүлсэн хэрэг шүү дээ.

25-нд: Ирээдүйн ханьтайгаа учирч магадгүй маш шийдвэрлэх, бас гэнэтийн адал явдлаар дүүрэн өдрүүд угтаж байна.

26-нд: Энэ удаад та шохоорхоогүй бололтой. Та жинхэнэ хайртайгаа учирчээ. Харин алдчихуузай.

27-нд: Сонор сэрэмжтэй байхгүй бол хүнд хууртаж магадгүй нь. Мөн эд зүйлсээ алдахаас ч сэрэмжлээрэй.

28-нд: Хэрүүл гарна. Энэ бүхэнд маш тайван ханд. Гал дээр тос нэмэх хэрэггүй.

29-нд: Хүсэл тань биелнэ. Гэсэн ч сайны хажуугаар саар гэдгийг санахад илүүдэхгүй. Саад гарч ирнэ шүү.

30-нд: Санаандгүй, төсөөлөөгүй учралууд тохионо. Энэ нь танд таатай мэдрэмж төрүүлнэ.

31-нд: Хайр дурлалд бялхсан өдрүүд таныг хүлээж байна. Энэ бүх жаргалаа алдахгүйн тулд ойр тойрныхон, хамт олонтойгоо эвтэй байгаарай.

                                                                                                                     by  medremj.mn